الاثنين، 1 أكتوبر، 2012

خربشات صباحية

صباح الخير علي الغييوم و الجو الظريف من الصباح
معاناه شديده عشان اغادر السرير رغم اني صحيت قبل المنبة الساعة 6 صباحاً يعني ما بدري شديد مرات بصحا ابدر بس لمن اكون متشوقه لي الصحيان
مش لمن اكون عارفه اني حاقعد 9 ساعات في مكان ليس لي فيه صديق الا مديري
و الهو في النهاية مديري يعني
 اغرب حاجة احلامنا و الاغرب ان نصحا ونواصل الحلم
شفت في الحلم وجوه كتير صحيت مرهقه من كتره الاحداث الفي الحلم
دي حالة قاعده تحصل كتير لمن اكون مرهقة والم ضهري بيقول اني محتاجة ارتاح
برجي بيقول اليوم فيه صعوبات وكمان شجار بين صديقين ولا فردين في العائلة علي ان اكون حمامة السلام
لو بقيت حمامة حاطير الي بلد اخر
شفت الصباح تلك الصغيرة تجر رجولها الي المدرسة المجاورة لمنزلنا اتذكرت كنت بكون فرحانه قدر كيف الصباح ماشه المدرسة 
بعدها شفت بنت الثانوي تقطع الشارع بخطوات متكاسلة لعنت تلك الايام في مدرسة الثانوي وانا اوعد نفسي كل يوم بانه اخر يوم لنا في المدرس. بس برضو اتذكرت صحباتي بي الخير 
مشتاقة لي ام محمد جداً ياربي كبر وبقا ولد عسل زي امه ولا ماخد شقاوة ابوه 
واحشنني صوتها وللاسف ماعندي تلفونها وماقادرة اسافر 
ممكن ارجع للفيبوك واحاول اعثر علي تلفونها بس ما عايزة ارجع زهجانه منه ونفسي اغير
بتفرج علي صور كتير الايام دي في فلكر وكمان بقرا عموما في مدونات جديده 
وما بينهما ملل في المكتب من الاعمال المكتبية.
نصيحة اليوم اجعل من عدوك حليف للنجاح
Photo link

هناك تعليقان (2):

  1. good advice
    :)

    -------
    manager - friend

    hmmmmmmmmmmmmmm

    lol

    ردحذف
  2. شيشاني شفت فوائد العمل الجديد بقيت اعطي نصائح
    شنو الضحكة الي خلفها معاني
    نعمل ايه في ظل التقشف في المصادر ويبدو انه الكل هجرني
    علي ان اشتفيد من الموجود

    مبسوطة اشوفك هنا
    تحياتي

    ردحذف

لكل صباحه فضع بصمتك