الاسئلة التالية عن طفولتي قررت اجاوب عليها لانها بجد خلتني اتذكر حاجات حلوة وافكر في ناس لي زمن ما مروا بذاكرتي ومن باب التوثيق يعني وكده لحياة عُلا
مرات بجاوب من غير ما اخت السؤال ومرات بجابو إجابة ما ليها علاقة بالسؤال بس انا قررت اختها طوالي من غير ما اعدل فيها من وحي اللحظة وكده.
اولا ما بتذكر نشيد معين بس انا دايما ما كنت بحب الاناشيد اني اغنيها بس بحب اسمعها وافتكر المقدمة بتاعت مسلسل ليدي وكابتن ماجد من الحاجات العالقه في ذهني من ايام الطفولة
كعبول و ماوكلي وسالي
من الشخصيات الحبيتها من مسلسلات الكرتون .
انا ايام الطفولة كنت عادية اميل لي اني اكون هادئة في البيت بس في المدرسة كنت فظيعة وشريرة
بس افتكر لاني كنت الي حد ما شاطرة ده كان بشفع لي عند أساتذتي بالاضافة لي الابتسامة الكانت دايما علي وشي ياالله كنت اصلا ما بعرف اقعد في حته وحدة ودايما بسأل وبشارك وبطوع للمهمات علي شرط ما تكون ممله ودايره صبر
ماهو الموقف اللي عرضتِي فيها اهلك للاحراج؟؟
افتكر اهلي ما حصل احرجوا مني يعني غير في طوله اللسان واني ما بعرف اسكت
انا افتكر شخصيتي معتدله يعني لا انا قوية بحكم اني في الوسط ولا كمان مغلوبة علي امري بالعكس كنت دايما افتكر بحاول اتفرد لي بي مكانه في العائلة وفي المدرسة.
موقف حصل في طفولتك كان له دور في تغيير مجرى حياتك؟؟
ما بتذكر موفق معين يعني انا حياتي سلسله من الاحداث بس كمان هادئة يعني الحمد لله ماشة كويس وافتكر مجمع الاحداث هي الخلتني ابقا زوله قوية ولي كثير من الذكريات الحلوة مع عائلتي واصحابي.
نحنا لينا احتفالية غريبه في العيد وهي انه: نتصرف كانه ماف حاجه يعني ما عندنا عيدية انسي بس لكن النظرية دي حامشيها علي اولادي عشان ما يفلقوني العيدية... العيدية
ونظرية حاقنع بيها اكبر عد من الاطفال"مفسدة للعقول انا صح"
مااكبر مغامره قمتي فيها وانت صغير..؟؟؟
أتخي لي اكبر مغامرة عملتها براي لمن سكيت الورل"ده من الزواحف اكبر من الضب واصغر من التمساح ما عارفة اسمة بالعربي" واتبعته من بيتنا لي بيت الجيران وانا خايفه انه في لحظة يقبل يجيني في اي لحظة غايتو دي من المغامرات البذكرها
وكمان لمن مره طلعنا فوق بيت ناس صحبتي وكنا عارفين انه السلم الخارجي احتمال ما يستحملنا ونقع في أي لحظة .
ومرة تاني مغامره لذيذه لمن قررنا نقعد تحت شجرة اللبلاب ونحكي كل الحكايات عن الشياطين و الجن وحنا عارفين انها شجرة مسكونة وكمان اصرينا نقعد جوة الفجوة بتاعتها .
من كان يقع ضحيت شرك؟
تقريبا صحباتي بس ما ناس البيت رغم اني عندي اخوات اصغر مني بس ديل كنت بعاقبهم اكتر بي اني افرض عليهم البرنامج الدايره احضره في التلفزيون ولا وجبة الفطور علي مزاجي انا و الما عاجبه ما ياكل.
من كان يدلعك اكثر امك ام ابوك؟
الاتنين عاديين بس بعد كبرت الاتنين بدلعوني شفتو الحاله الاسف في زول بدلعوه بعدي يكبر يعني هم لممن كنت صغيره ما كانو شايفني ولا شنو.؟؟؟
هل عندك لعبه موجوده من صغرك إلى الآلآن ؟ وماهي ؟؟
أنا ما حميمة مع المقتنيات ونادرا ما احتفظ بي حاجة لي فترة طويله وما بذكر اني كنت عني لعبة بحبها في دب كده منا بنشاركة انا واختي واخوي ما معروف هو حق منو ومارسنا فيه كل انواع التعذيب مرة كره قدم مره مخدة
ما اكـثـر حلاوة كنـتي تحبينها ..؟
أختكم بتحب كل انواع الحلويات بشرط انه ماف زول يتعاور ويقول داير معاي.
ما اسم اول مـدرسه درستك ..؟
أستاذة رابعة الله يذكرها بالخير كانت ام فصلنا لي سنة رابعه معانا.
هـل كـنتي تـعانـين مـن اخـطاء فـي مخـارج الحـروف ..؟
ماعارفة ما بذكر بس هسه عندي زول مصر اني بنطق العين غلط.
وانتي صغيرهـ يشبهوك على مين من العائله..؟؟؟
بابا وده واضح وكمان عمتي وما كنت بحب يقولوا لي بتشبهيها لاني ما كنت نفسي اطلع طويله زيها.هسه غيرت راي تماما وبقول أخ لو كنت اطول حبة.
منـ الشخص الذي كرهتــــهـ وانتـَـي صغيـــرة ومنـ أحببــــت ِ ..؟؟
كنت بكره السواق بتاعنا عشان بكاويني ورجعت غيرت راي وبقا صحبي
وكنت بحب استاذتي في سنة سادس جدا ونفسي هي تتبناني للدرجة دي تخيلوا خاصة اني كنت عارفة انها ما عندها اولاد.
أوصفـــيِ لنــا طفـــولـــتـكـيِ وكيــف ـ كــانتـ ..؟؟
طفولة مليئة بالمرح وكنت ما شا الله يعني ما مقصرة مع روحي خلاص عشتها بالطول و العرض وكمان اتعلمت فيها الكتير وافتكر انها الحمد لله نمت شخصيتي جدا.
هل تتمنى ترجع للطفوله؟ اذا كان نعم ما السبب؟
و الله مرات لمن ازنق في الدنيا واحس باني ما قادره اعمل حاجة ولا علي اكتافي مسؤلية كبيرة بقول هسه لو كنت شافعه كان اريح لي بس ه برضو بخليني اذكر انه انا ما شافعه وانه الايام ديك لا رجعه فيها واني لازم اعيش كل مرحلة في حياتي صح.
موقف محرج تعرضت له.. واخر محزن ..؟.
موقف محرج من الطفوله غالبنا ايام امتحانات الشهادة مره قعدت ابكي واتعاور نه انا بليده وكنت خايفة من الامتحانات واني ما اجيب مجموع حلو بس الحمد لله ربا كرمي فرحت ماما بي
الموفق المحزن ما بتذكر بس غلابا انا البتذكر انه كنت زعلانة لمن رحلنا من بيتنا ولمن بقيت ما بمشي مع اولاد وبنات الجيران بنفس العربية وتاني بقيت بنتمي لي حي سكني مختلف تماما وبيئة غير.
مرات بجاوب من غير ما اخت السؤال ومرات بجابو إجابة ما ليها علاقة بالسؤال بس انا قررت اختها طوالي من غير ما اعدل فيها من وحي اللحظة وكده.
اولا ما بتذكر نشيد معين بس انا دايما ما كنت بحب الاناشيد اني اغنيها بس بحب اسمعها وافتكر المقدمة بتاعت مسلسل ليدي وكابتن ماجد من الحاجات العالقه في ذهني من ايام الطفولة
كعبول و ماوكلي وسالي
من الشخصيات الحبيتها من مسلسلات الكرتون .
انا ايام الطفولة كنت عادية اميل لي اني اكون هادئة في البيت بس في المدرسة كنت فظيعة وشريرة
بس افتكر لاني كنت الي حد ما شاطرة ده كان بشفع لي عند أساتذتي بالاضافة لي الابتسامة الكانت دايما علي وشي ياالله كنت اصلا ما بعرف اقعد في حته وحدة ودايما بسأل وبشارك وبطوع للمهمات علي شرط ما تكون ممله ودايره صبر
ماهو الموقف اللي عرضتِي فيها اهلك للاحراج؟؟
افتكر اهلي ما حصل احرجوا مني يعني غير في طوله اللسان واني ما بعرف اسكت
انا افتكر شخصيتي معتدله يعني لا انا قوية بحكم اني في الوسط ولا كمان مغلوبة علي امري بالعكس كنت دايما افتكر بحاول اتفرد لي بي مكانه في العائلة وفي المدرسة.
موقف حصل في طفولتك كان له دور في تغيير مجرى حياتك؟؟
ما بتذكر موفق معين يعني انا حياتي سلسله من الاحداث بس كمان هادئة يعني الحمد لله ماشة كويس وافتكر مجمع الاحداث هي الخلتني ابقا زوله قوية ولي كثير من الذكريات الحلوة مع عائلتي واصحابي.
نحنا لينا احتفالية غريبه في العيد وهي انه: نتصرف كانه ماف حاجه يعني ما عندنا عيدية انسي بس لكن النظرية دي حامشيها علي اولادي عشان ما يفلقوني العيدية... العيدية
ونظرية حاقنع بيها اكبر عد من الاطفال"مفسدة للعقول انا صح"
مااكبر مغامره قمتي فيها وانت صغير..؟؟؟
أتخي لي اكبر مغامرة عملتها براي لمن سكيت الورل"ده من الزواحف اكبر من الضب واصغر من التمساح ما عارفة اسمة بالعربي" واتبعته من بيتنا لي بيت الجيران وانا خايفه انه في لحظة يقبل يجيني في اي لحظة غايتو دي من المغامرات البذكرها
وكمان لمن مره طلعنا فوق بيت ناس صحبتي وكنا عارفين انه السلم الخارجي احتمال ما يستحملنا ونقع في أي لحظة .
ومرة تاني مغامره لذيذه لمن قررنا نقعد تحت شجرة اللبلاب ونحكي كل الحكايات عن الشياطين و الجن وحنا عارفين انها شجرة مسكونة وكمان اصرينا نقعد جوة الفجوة بتاعتها .
من كان يقع ضحيت شرك؟
تقريبا صحباتي بس ما ناس البيت رغم اني عندي اخوات اصغر مني بس ديل كنت بعاقبهم اكتر بي اني افرض عليهم البرنامج الدايره احضره في التلفزيون ولا وجبة الفطور علي مزاجي انا و الما عاجبه ما ياكل.
من كان يدلعك اكثر امك ام ابوك؟
الاتنين عاديين بس بعد كبرت الاتنين بدلعوني شفتو الحاله الاسف في زول بدلعوه بعدي يكبر يعني هم لممن كنت صغيره ما كانو شايفني ولا شنو.؟؟؟
هل عندك لعبه موجوده من صغرك إلى الآلآن ؟ وماهي ؟؟
أنا ما حميمة مع المقتنيات ونادرا ما احتفظ بي حاجة لي فترة طويله وما بذكر اني كنت عني لعبة بحبها في دب كده منا بنشاركة انا واختي واخوي ما معروف هو حق منو ومارسنا فيه كل انواع التعذيب مرة كره قدم مره مخدة
ما اكـثـر حلاوة كنـتي تحبينها ..؟
أختكم بتحب كل انواع الحلويات بشرط انه ماف زول يتعاور ويقول داير معاي.
ما اسم اول مـدرسه درستك ..؟
أستاذة رابعة الله يذكرها بالخير كانت ام فصلنا لي سنة رابعه معانا.
هـل كـنتي تـعانـين مـن اخـطاء فـي مخـارج الحـروف ..؟
ماعارفة ما بذكر بس هسه عندي زول مصر اني بنطق العين غلط.
وانتي صغيرهـ يشبهوك على مين من العائله..؟؟؟
بابا وده واضح وكمان عمتي وما كنت بحب يقولوا لي بتشبهيها لاني ما كنت نفسي اطلع طويله زيها.هسه غيرت راي تماما وبقول أخ لو كنت اطول حبة.
منـ الشخص الذي كرهتــــهـ وانتـَـي صغيـــرة ومنـ أحببــــت ِ ..؟؟
كنت بكره السواق بتاعنا عشان بكاويني ورجعت غيرت راي وبقا صحبي
وكنت بحب استاذتي في سنة سادس جدا ونفسي هي تتبناني للدرجة دي تخيلوا خاصة اني كنت عارفة انها ما عندها اولاد.
أوصفـــيِ لنــا طفـــولـــتـكـيِ وكيــف ـ كــانتـ ..؟؟
طفولة مليئة بالمرح وكنت ما شا الله يعني ما مقصرة مع روحي خلاص عشتها بالطول و العرض وكمان اتعلمت فيها الكتير وافتكر انها الحمد لله نمت شخصيتي جدا.
هل تتمنى ترجع للطفوله؟ اذا كان نعم ما السبب؟
و الله مرات لمن ازنق في الدنيا واحس باني ما قادره اعمل حاجة ولا علي اكتافي مسؤلية كبيرة بقول هسه لو كنت شافعه كان اريح لي بس ه برضو بخليني اذكر انه انا ما شافعه وانه الايام ديك لا رجعه فيها واني لازم اعيش كل مرحلة في حياتي صح.
موقف محرج تعرضت له.. واخر محزن ..؟.
موقف محرج من الطفوله غالبنا ايام امتحانات الشهادة مره قعدت ابكي واتعاور نه انا بليده وكنت خايفة من الامتحانات واني ما اجيب مجموع حلو بس الحمد لله ربا كرمي فرحت ماما بي
الموفق المحزن ما بتذكر بس غلابا انا البتذكر انه كنت زعلانة لمن رحلنا من بيتنا ولمن بقيت ما بمشي مع اولاد وبنات الجيران بنفس العربية وتاني بقيت بنتمي لي حي سكني مختلف تماما وبيئة غير.
ليست هناك تعليقات:
إرسال تعليق
لكل صباحه فضع بصمتك